Sa bawat bukas nang karton
upang suriin ang mga nakaimpakeng gamit,
ay para ring nagbubukas ng mga ala-ala…
may ilalabas para gamitin,
merong kelangang itapon na sa basura,
at meron ding mga ililigpit muli sa karton.
Maayos itong ihilera sa tahimik na sulok ng
mga aparador, upang sa tuwina’y
bibisitahin sa gabi ng paggunita.
GSIS Heights
Matina, Davao City
Pinapaliguan
ng liwanag mula
sa mga poste ng ilaw
ang Kalye Unida
sa gabing mapanglaw.
—
Ika- 21 ng Agusto 2011
Ang
aming nilipatang bahay ay isang
lumang bahay na binago lang
ng pintura ang hitsura. Sa
second floor Kung dudungaw ka
sa bintana na jalousie ay
tatambad ang imahe, tunog at
amoy ng hubad at nakayapak
na urbanidad. Tanaw ang mga
matayog na gusali sa paligid
na pinaliliguan ng malakas na
ulan. Nakakagutom ang nagyayayang amoy
ng inihaw na isda ng
kadikit-bahay, at Crazy for You
naman ang sigaw-kantang videoke ng
kapitbahay sa tapat. Paparada ang
mga naglalako ng prutas, tv
antena, linya ng cable tv,
telepono at bombay na nakamotosiklo.
Mamayang hapon dadaan ang mga bagong
paligong dilag papunta sa kanilang
duty sa may patay-sindi. Masaya
sa Baclaran kahit malakas ang
ulan.
—
August 3, 2011
Unida St., Baclaran
Dito walking distance
lang lahat.Malapit ang
palengke,eskwelahan,
sakayan ng bus,jeep at
padyak. Nasa paligid
mga turo-turo, banko
at McDo. Pati 711 nasa
kanto. Tahimik ang lugar
sa umaga. Hindi ka maabala
dahil walang baha.
At sa gabi hindi ka maliligaw
sa mga ilaw na patay-sindi.
—-
July 13, 2011
Baclaran
Hirap maghanap ng bahay.
Nakapaskil sa poste
puro Lipat-Bahay lang.
Hirap maghanap ng bahay.
Walang nakapaskil na
Bahay-Malilipatan.
—–
July 10, 2011
Going round Baclaran
The garbage collectors come stealthily
like thieves in the day.
But once in a while they blow their horns,
an unmistakable reminder
that it is Saturday.
—————-
June 4, 2011
Paranaque City
patak ng ulan sa gabi,
sabay ng kalmadong kulog,
uyayi sa pagtulog.
————————
- May 30, 2011 (Paque)
Recent Comments